هــــــاك كـــل الـــقـصـيــــد

هاك كل القصيد اخذه مثل ماتبي

والله اني اغبط الخاطر المستريح

كيف لاجيت ابكتب احترق بذهبي

شمعةٍ ماتحس بعمرها من تسيح

كل شاعر ترا لوهو تشاطر غبي

يطرب الناس شعره وهو جروحه تصيح

خذ قصيدٍ بدا قبل يخط شنبي

يوم الأيام كانت مثل ريضان شيح

ااااه ياليت تجمع بعثرة مكتبي

والله اني نويت أبني لشعري ضريح

كم كتبت وكتبت ولا وصلت طلبي

مدري العيب فيهم أو بطبعي صريح

كن الأيام برد وهالقصيد حطبي

والأماني رماد وهالتوافيق ريح

بدل الوقت شكلي ولا قوى مذهبي

وأدري ان الأماني بهالزمن من صفيح

سهل ويا الصديق وللردي مصعبي

ودون طيحت خويي والله اني لطيح

هيه يامن تفتش دفتري وش تبي

كل بيتٍ يمرك اعرف انه جريح

وانكان ما اكفاك شعري يخلف الله تعبي

مايخلّد ويبقى الا القوي والصحيح

يالقصيده تثني واطربي والعبي

في زمانٍ بوجه اللي هقابه شحيح

دامها بالبدايه والنهايه حبي

لا يغرّج قوي العود باجر يطيح

للشاعر: حمد السعيد

صح لسانه ولسانك

صح بدنك ومنووور القصيده