قـــصـــة حـــــب

موضوع: قـــصـــة حـــــب 28/6/2008, 00:14

أبد ماجيت أباركلك ولاكن جيت أبوصيك

على الله ناويٍ تدخل بهالليله معذبتي

ترا لولا الظروف اللي عطتك وحدت محاكيك

قسم بالله ماتدخل عليها لو على رقبتي

ولاكن النصيب أقوى ولا أدري ويش أسوي فيك

نعم صارت معزبتك ولا صارت معزبتي

كذا شائت بنا الأقدار تحرمني لجل تعطيك

كذا لازم عشان تفوز انت وأنا أخسر بتجربتي

تراها غاليه جداً تكفى والله يخليك

تدللها وتدلعها وتنسيها مصاحبتي

أنا من كثر ما أغليها أحس اني بديت أغليك

ولاتسأل بأي حق ولا وش مناسبتي

لأنك لو بتسألني بتسمع شي مايرضيك

لذا ياخوي لاتسأل ولاتسمع لأجوبتي

أبيك تحطها في داخل عيونك وبين ايديك

وهي دلوعه اعتادت على كثرة مداعبتي

داعبها شوي شوي حتى تشتهي طاريك

وشاغبها لين تقول بطل من مشاغبتي

واذا مالها خلقك ولاتضحك ولاتسليك

تحملها واسألها ياعمري ليه عصبتي

وبالك أسمع انك يوم تضربها وهي تشكيك

مايحتاج أوريلك بأن الضرب موهبتي

صحيح انك بتملكها ومعك العقد بالتمليك

وأنا عارف حدود الله ومن حقك معاقبتي

ولاكن قلها المجنون وصاني وهو يعنيك

يقول انه بينتضرك لو شيّب وشيّبتي

وأنا مجنونها اللي مانساها وأنت مايمديك

تغطي ذكرياتي في هواها وربع تجربتي

أحس اني تماديت بكلامي والغضب حاديك

ولو انك في مكاني ماتفكر في محاسبتي

كفاك اني تركت الليله أشغالي عشان أجيك

دخلت القاعه برجلي ولا أدري ويش عاقبتي

وأنا ماجيت أخرّب عرسك الليله ولا أأذيك

أنا جيتك عشان أخاطبك وأنت تسمع مخاطبتي

توصى وانتبه وأحرص عليها والله يهنيك

ترا كل الكلام اللي طلع من ضيقي وكبتي

لاكن ماقدرت اني أقوله وأنت مايخفيك

أخاف اني اذا قلته تقوم وتقطع رقبتي

موضوع: رد: قـــصـــة حـــــب 1/7/2008, 02:20

صح لسااااانك
وفالك المليون والبيرق
وانا تعبت من كثر ماااقولك فالك المليون
والله يعطيك العافيه

موضوع: رد: قـــصـــة حـــــب 1/7/2008, 06:21

صح بدنك والله يعافيك واناا شكرك على متابعتك الجيده